బీల్ నాయక్ తండా మహిళలకు డీజే బాక్స్ సెట్ అందజేత.. SRR ఫౌండేషన్ చైర్మన్ శ్రీనివాస్ రెడ్డి
ద్రవిడశక్తి తెలంగాణ డెస్క్: వరంగల్ జిల్లా రాయపర్తి మండలం ఊకల్ గ్రామ పరిధిలోని బీల్ నాయక్ తండా మహిళలకు SRR ఫౌండేషన్ ఆధ్వర్యంలో డీజే బాక్స్ సెట్‌ను అందజేశారు. ఇటీవల ఇచ్చిన హామీ మేరకు ఫౌండేషన్ చైర్మన్, బీఆర్ఎస్ పార్టీ జిల్లా నాయకుడు పరుపాటి శ్రీనివాస్ రెడ్డి ఈ కార్యక్రమాన్ని నిర్వహించారు. రాష్ట్ర మాజీ మంత్రి ఎర్రబెల్లి దయాకర్ రావు ఆదేశాల మేరకు ఈ కార్యక్రమం చేపట్టినట్లు నిర్వాహకులు తెలిపారు.
తండా మహిళలకు ఇచ్చిన హామీని నెరవేర్చే క్రమంలో డీజే బాక్స్ సెట్‌ను అందించినట్లు ఫౌండేషన్ ప్రతినిధులు పేర్కొన్నారు. గ్రామీణ ప్రాంతాల్లో స్థానిక అవసరాలకు అనుగుణంగా సహాయ కార్యక్రమాలు చేపట్టడంలో భాగంగా ఈ కార్యక్రమం నిర్వహించినట్లు సమాచారం.
ఈ కార్యక్రమంలో రాయపర్తి పీఏసీఎస్ చైర్మన్ కుందూరు రామ్ చంద్రా రెడ్డితో పాటు మండల పార్టీ నాయకులు లేతకుల రంగా రెడ్డి, తాళ్లపెల్లి సంతోష్ గౌడ్, కృష్ణమూర్తి అయ్యగారు, చందు రామ్, హనుమా నాయక్, సంకినేని ఎల్లస్వామి, డికొండ దేవేందర్, రమేష్ తదితరులు పాల్గొ
న్నారు.
