పవన్ కళ్యాణ్‌తో వంగవీటి రాధాకృష్ణ ఆత్మీయ భేటీ స్థానిక సంస్థల ఎన్నికలు, సమకాలీన రాజకీయ అంశాలపై చర్చ
ద్రవిడ శక్తి: మంగళగిరి: జనసేన పార్టీ అధ్యక్షులు, ఆంధ్రప్రదేశ్ రాష్ట్ర ఉప ముఖ్యమంత్రి శ్రీ పవన్ కళ్యాణ్‌ను మాజీ శాసనసభ్యులు, దివంగత వంగవీటి మోహనరంగా కుమారుడు శ్రీ వంగవీటి రాధాకృష్ణ శుక్రవారం సాయంత్రం మంగళగిరిలోని క్యాంపు కార్యాలయంలో మర్యాదపూర్వకంగా కలిశారు.
పవన్ కళ్యాణ్, వంగవీటి రాధాకృష్ణల మధ్య సుదీర్ఘకాలంగా ఉన్న స్నేహం నేపథ్యంలో ఈ ఆత్మీయ భేటీ జరిగింది. ఈ సందర్భంగా గతంలో ప్రజారాజ్యం పార్టీలో కలిసి పనిచేసిన రోజులను ఇరువురూ గుర్తుచేసుకున్నారు. అలాగే 2024 సార్వత్రిక ఎన్నికల సమయంలో విజయవాడ పశ్చిమ నియోజకవర్గంలో నిర్వహించిన ఎన్నికల ప్రచారానికి సంబంధించిన పలు అంశాలను వారు చర్చించుకున్నారు.
స్థానిక సంస్థల ఎన్నికలపై చర్చ
భేటీలో సమకాలీన రాజకీయ పరిణామాలతో పాటు త్వరలో జరగనున్న స్థానిక సంస్థల ఎన్నికలపై కూడా ఇరువురి మధ్య సుదీర్ఘంగా చర్చ జరిగినట్లు సమాచారం.
అదేవిధంగా పవన్ కళ్యాణ్ బాధ్యతలు నిర్వర్తిస్తున్న శాఖల్లో తీసుకొస్తున్న మార్పులు, చేపడుతున్న సంస్కరణలపై కూడా వంగవీటి రాధాకృష్ణ చర్చించారు. ఈ సందర్భంగా ప్రభుత్వం చేపడుతున్న పలు చర్యలను ఆయన ప్రత్యేకంగా అభినందించినట్లు తెలుస్తోంది.
డ్రావిడ శక్తి వెబ్‌డెస్క్
