పాలకుర్తి గురుకుల పాఠశాలలో దారుణం.. 14 మంది విద్యార్థినులను కరిచిన ఎలుకలు

జనగామ జిల్లా, సెప్టెంబర్ 25:

జనగామ జిల్లా పాలకుర్తి మండల కేంద్రంలోని తెలంగాణ సాంఘిక సంక్షేమ గురుకుల పాఠశాలలో ఎలుకలు హల్‌చల్ చేశాయి. గురువారం రాత్రి పాఠశాలలో నిద్రిస్తున్న సమయంలో ఎలుకలు కరవడంతో 14 మంది విద్యార్థినులు అస్వస్థతకు గురయ్యారు.

- Advertisement -

విద్యార్థినుల చేతులు, కాళ్లపై ఎలుకలు కరిచినట్లు సమాచారం. ఘటనతో ఆందోళనకు గురైన పాఠశాల సిబ్బంది వెంటనే బాధిత విద్యార్థినులను చికిత్స నిమిత్తం ఆసుపత్రికి తరలించారు.

ఒకేసారి 14 మంది విద్యార్థినులు ఎలుకల కాటుకు గురికావడంతో పాఠశాలలో కలకలం నెలకొంది. విద్యార్థినుల భద్రత, పాఠశాల పరిసరాల పరిశుభ్రతపై తల్లిదండ్రులు ఆందోళన వ్యక్తం చేస్తున్నారు. ఘటనపై సంబంధిత అధికారులు పూర్తి వివరాలు వెల్లడించాల్సి ఉంది.