లక్ష్మి నరసింహ హాస్పిటల్ వీధిలో వైభవంగా దేవి నవరాత్రులు.. కనకదుర్గమ్మ ఆలయానికి పోటెత్తిన భక్తులు, ఘనంగా అన్నదానం!
లక్ష్మి నరసింహ హాస్పిటల్ వీధిలో వైభవంగా దేవి నవరాత్రులు: భక్తులతో పోటెత్తిన కనకదుర్గమ్మ ఆలయం, ఘనంగా అన్నదానం !
ద్రవిడశక్తి ప్రతినిధి, హన్మకొండ:
దేవి శరన్నవరాత్రి ఉత్సవాలను పురస్కరించుకొని నగరంలో ఆధ్యాత్మిక వాతావరణం సంతరించుకుంది. దసరా పండుగను పురస్కరించుకొని, లక్ష్మి నరసింహ హాస్పిటల్ సందు లోని మహాలక్ష్మి గర్ల్స్ హాస్టల్ ప్రక్కన ఏర్పాటు చేసిన కనకదుర్గమ్మ అమ్మవారి దేవి నవరాత్రి మహోత్సవాలు అత్యంత వైభవంగా సాగుతున్నాయి. ఉత్సవాల్లో భాగంగా ఎనిమిదో రోజున శనివారం నాడు అమ్మవారికి ప్రత్యేక పూజలు, అర్చనలు ఘనంగా నిర్వహించారు.
పోటెత్తిన జనసందోహం – భక్తిశ్రద్ధలతో పూజలు
నవరాత్రుల ఎనిమిదో రోజు సందర్భంగా కనకదుర్గమ్మ అమ్మవారు భక్తులకు విశేష అలంకారంలో దర్శనమిచ్చారు. ఉదయం నుంచే మహిళలు, యువతులు, స్థానిక ప్రజలు పెద్ద ఎత్తున తరలివచ్చి అమ్మవారికి కుంకుమార్చనలు, ప్రత్యేక హారతులు సమర్పించారు. భక్తుల రాకతో ఆలయ పరిసర ప్రాంతాలన్నీ కనకదుర్గమ్మ నామస్మరణతో మారుమోగాయి.
సర్వకాల ప్రేమ మండలి ఆధ్వర్యంలో ఘనంగా అన్నదానం
ఈ ఉత్సవాలలో భాగంగా సర్వకాల ప్రేమ మండలి ఉత్సవ కమిటీ సభ్యుల ఆధ్వర్యంలో భారీ అన్నదాన కార్యక్రమాన్ని ఏర్పాటు చేశారు. అమ్మవారిని దర్శించుకున్న భక్తులకు, స్థానికులకు కమిటీ సభ్యులు స్వయంగా అన్నప్రసాద వితరణ చేశారు. ఈ అన్నదాన కార్యక్రమానికి జనాలు విపరీతంగా పోటెత్తారు. నిరుపేదలు, భక్తులు పెద్ద సంఖ్యలో పాల్గొని ప్రసాదాన్ని స్వీకరించారు.
కమిటీ సభ్యుల కృతజ్ఞతలు
ఈ సందర్భంగా సర్వకాల ప్రేమ మండలి ఉత్సవ కమిటీ సభ్యులు మాట్లాడుతూ.. ప్రతి ఏటా దసరా నవరాత్రులను ఎంతో భక్తిశ్రద్ధలతో నిర్వహిస్తున్నామని, ఈ ఏడాది కూడా అమ్మవారి కృపతో ఎనిమిదో రోజు వేడుకలు, అన్నదాన కార్యక్రమం దిగ్విజయంగా పూర్తయ్యాయని తెలిపారు. ఉత్సవాలు ఇంత ఘనంగా జరగడానికి సహకరించిన భక్తులకు, కాలనీ వాసులకు వారు ప్రత్యేక కృతజ్ఞతలు తెలియజేశారు. భక్తులకు ఎలాంటి ఇబ్బందులు కలగకుండా కమిటీ సభ్యులు అన్ని ఏర్పాట్లను పర్యవేక్షించారు.
