బీఆర్ఎస్‌లో చేరిన భార్గవ్ దేశ్‌పాండే.. అనుచరులతో కలిసి గులాబీ గూటికి

ద్రవిడశక్తి రాజకీయ డెస్క్: ఆదిలాబాద్ జిల్లాకు చెందిన నాయకుడు, మాజీ ఎన్‌ఎస్‌యూఐ రాష్ట్ర అధ్యక్షుడు భార్గవ్ దేశ్‌పాండే బీఆర్ఎస్ పార్టీలో చేరారు. నేడు ఆయన తన అనుచరులతో కలిసి గులాబీ పార్టీలోకి అడుగుపెట్టారు. ఈ సందర్భంగా పార్టీ నాయకులు ఆయనకు గులాబీ కండువా కప్పి సాదరంగా ఆహ్వానించారు.

కాంగ్రెస్ పార్టీలో సుదీర్ఘకాలం పనిచేసిన భార్గవ్ దేశ్‌పాండే పార్టీ మారడం రాజకీయంగా ప్రాధాన్యం సంతరించుకుంది. తెలంగాణ కాంగ్రెస్ నాయకత్వం, ప్రభుత్వ పాలనపై గతంలో ఆయన చేసిన విమర్శల నేపథ్యంలో బీఆర్ఎస్‌లో చేరిక చర్చనీయాంశంగా మారింది.

- Advertisement -

భార్గవ్ దేశ్‌పాండేతో పాటు ఆయన అనుచరులు కూడా బీఆర్ఎస్‌లో చేరడంతో ఆదిలాబాద్ జిల్లాలో పార్టీ రాజకీయ సమీకరణాలపై ఆసక్తి నెలకొంది. అయితే, ఈ చేరికతో జిల్లాలో పార్టీకి కలిగే రాజకీయ ప్రయోజనాలు, భవిష్యత్తు కార్యాచరణపై మరిన్ని వివరాలు తెలియాల్సిఉంది.