పీఏల దందా ఒక్కో పనికి ఒక్కో రేటు !
హైదరాబాద్: ప్రజా సమస్యలను పరిష్కరించాల్సిన కొందరు మంత్రులు, ఎమ్మెల్యేల పీఏలపై వసూళ్ల ఆరోపణలు కలకలం రేపుతున్నాయి. ప్రజాసేవ ముసుగులో సిఫారసు లేఖలు, గురుకుల అడ్మిషన్లు, ప్రభుత్వ ఆర్థిక సాయం, పోస్టింగ్‌లు, పోలీసు వ్యవహారాల కోసం ఒక్కో పనికి ఒక్కో రేటు నిర్ణయిస్తున్నారనే ఆరోపణలు iNews స్టింగ్ ఆపరేషన్‌లో వెలుగులోకి వచ్చినట్లు కథనం పేర్కొంది.
వసూళ్లకు సంబంధించి ప్రచారంలో ఉన్న వివరాలు ఇవే !
దైవదర్శనం: సిఫారసు లేఖకు రూ.5,000.
CMRF సాయం: దరఖాస్తు అప్‌లోడ్‌కు రూ.3,000, మంజూరైన మొత్తంలో 10 శాతం వరకు కమీషన్‌ డిమాండ్ చేస్తున్నారనే ఆరోపణ.
గురుకుల అడ్మిషన్లు: సిఫారసు కోసం రూ.10,000.
కాలేజీ ఫీజులు: ఫీజు తగ్గింపు లేఖకు రూ.5,000.
పోస్టింగ్‌లు: SHO, తహసీల్దార్ వంటి పోస్టింగ్‌ల కోసం రూ.లక్ష వరకు డిమాండ్ చేస్తున్నారనే ఆరోపణలు.
పోలీసు కేసులు: కేసు నమోదు కాకుండా CIకి ఫోన్ చేయించేందుకు రూ.10,000 డిమాండ్ చేస్తున్నారనే ప్రచారం.
కాంట్రాక్టర్ల బిల్లులు: టోకెన్ జాబితాలో పేర్లు చేర్చడం, పెండింగ్ బిల్లుల విడుదల కోసం భారీగా డబ్బులు అడుగుతున్నారనే ఆరోపణలు.
ప్రజాసేవా.. వసూళ్ల దందానా?
ప్రజలు తమ సమస్యల పరిష్కారం కోసం ప్రజాప్రతినిధులను ఆశ్రయిస్తారు. ముఖ్యంగా పేదలు, సామాన్యులు ప్రభుత్వ సాయం కోసం ఎదురుచూస్తుంటారు. అలాంటి వారి అవసరాలను ఆసరాగా చేసుకుని మధ్యవర్తులు డబ్బులు వసూలు చేస్తున్నారనే ఆరోపణలు తీవ్ర ఆందోళన కలిగిస్తున్నాయి.
ఈ వ్యవహారంపై సంబంధిత ప్రజాప్రతినిధులు, అధికారులు స్పందించడంతో పాటు ఆరోపణలపై సమగ్ర విచారణ జరిపి నిజానిజాలను బయటపెట్టాలని ప్రజలు కోరుతున్నారు.
ద్రవిడ శక్తి న్యూస్ | ప్రజల పక్షాన.. ప్రజా సమస్యలపై నిరంతరం
